Sprüeck äs se bi us bruukt wädd
- Reinlichkeit mott sin, sägg de Frau, dao trock se to Middewinter dat Hiemt up de annere Siet an.
- Foßte Haor un Elsenholt wäß selten up gueden Grund.
- ’n Faß ohne Nück is en seiden Glück.
- Kuott vüör de Fierdage geiht de Düwel up Krücken.
- Buer is’n Buer, ’n Schelm van Natur, un en Grul füör usen Häergott.
- Füör Geld kann man den Düwel danzen seihn.
- Wann man van’n Düwel küert, dann is he nich wied.
- Wao de Düwel nich sölwst kuemen kann, dao schickt he ’n aolt Wiew hen.
- Vat’n Buer nich kennt, da frätt he nich.
- De dümmsten Buern hebbt de dicksten Katuffeln.
- Well will sin fien, de mot lien Pien.
- De eene Kraih hackt de andere de Ogen nich ut.
- Besuopen Buer, klein un nüchtern Kalw daoht sik nich weh.
- Wu de Hacken, so de Backen.
- Vüegel, de muons früh singt, frätt de Kat.
- En blind Hohn findt auk wull en Köän.
- Arbeit de stinkt, giww Geld, dat klingt.
- Et is kien Pott so krumm un scheew, et päß auk den Deckel drup.
- Wer nich kümmt tor rechten Tiet, de mot seihn wat üöwer bliww.
- En gued Schwien frätt alls.
- Leigen häwt kuorte Beene.
- Wat man nich in’n Kopp hät, dat mott man in de Beene hebben.
- Dat Hiemde sitt em naiger es de Rock.
- We schriww, de bliww.
- Prackseern geiht üöwer studeern.
- Well de Dochter hebben will, mott de Moder frien.
- In kruse Haor un krusen Sinn, steck de Düwel midden drin.
- Röwen nao Christdag, Appels nao Paosken un Wichter nao vettig Jaohren, häwt ’n Smack verluoren.
- Wo ’ne guede Frau in Hus‘ is, dao wäß’t Speck an’n Balken.
- Jedet Hüsken het sin Krüsken.
- Is de Fusel im Manne, is de Verstand inne Kanne.
- In Schnaps verdrinkt mäer Lüh äs in’n Water.
- De April döht, wat he will.
- Mariä Geburt sind de Nüette gued.
- ‘n giäwn Piärd draff man nich in de Mule kieken.